Saturday, March 1, 2008

قررت نبدأ واستعنا عالشقا بالله


قررت أبدأ مشروع جمع فائض الطعام وتوزيعها على الفقراء

أيوة قررت أبدأ ...ازاى وهاعمل إيه بالظبط والخطوات إيه تحديدا لسه مش عارف بالظبط إنما انتوا اللى هاتقولولى وعشان كده فكرت إنى أكتب تليفونى هنا(وبالمناسبة أنا تليفونى مكتوب على كل الشرايط وكروت الفرقة يعنى مش غريبة إنى أكتبه على النت) واللى عايز يساعدنى بأى حاجة..وبكرر أى حاجة أو فكرة أو اقتراح أو علاقة بشخص هايفيدنا أو أى حاجة تانية أنا مش عارفها دالوقت ,اللى يحب يشارك هايكلمنى فى التليفون وانا هارتب موعد اجتماع اسبوعى ونقعد نرتب كل التفاصيل ونبدأ نشتغل إن شاء الله


تليفونى
0101008476


للى مايعرفش أنا بتكلم على إيه


أنا بكون جمعية خيرية رسمية وقانونية هدفها جمع بواقى أو فائض الأطعمة من الفنادق والمطاعم والنوادى والعزومات الكبيرة وأى مكان وتوزيعها على الفقراء
للمزيد
الموعد على التليفووووووووون يا رجالة

15 comments:

Anonymous said...

ربنا معاك ويسهلك على تنفيذ هذا المشروع الخيري العظيم اللي حيستفاد منه الغني قبل الفقير لأن الغني اللي حيأّّّكل فقراء له ثوابه عند الله والعكس صحيح لأن لو الأكل ده أترمى في الزبالة ربنا حيحاسبه عليه وجزالك الله خيراً
على هذه الفكره الرائعة
أم خالد

حامد حلمي said...

يلا و انا معاك و انا مشمر دراعي و جاهز

كراكيب said...

يا جامد يا فظييييييييع يا عمو
بص بقى يا سيدي.. انت تدخل تقولنا معاد الاجتماع الجاي فين وامتى والحركات دي..يبقى اجتماع نجمع فيه كل الافكار بتاعت الناس ونحاول ننظمها وكمان نقسم الشغل "يعني مين هيعمل ايه ومين هيعمل ايه برده"..وايه كماااااان؟؟
وكل واحد وهو جاي يبقى مالي دماغه بشوية افكار علشان مانروحش هناك نفكر.. نروح هناك نطلع كل الافكار ونفردها ونبدأ ننظمها زي ما قولت فوق.... وعلى فكرة انا عاملالك دعاية علشان الجمعية دي زي الفل.. انت بس ميعاد الاجتماع وهتلاقيني جايبالك ناس كتييييييير اوي اوي قااااااد البجر :)
اشطاط؟؟

Anonymous said...

مصطفي يا مصطفي

انت بجد مش بس فنان
انت اكثر من رائع

لو كان بالليل هاجي معاكم لاني نفسى
اعمل حاجه كذا بجد يا مصطفي

وهكتب كل افكاري عشان اقولهالك

هستنا اشوف الميعاد
اشطاط

علي فكرة يا كراكيب انا مش اعرفك بس استمخيت اوي من كلمة اشطاط مع انها مش جديدة
بس اشطاط

ومضات .. أحمد الجعلى said...

فكرة عظيمة يا ا.مصطفى

يارب تتحول قريبا لحقيقة على ارض الواقع وتحقق انجاز واعجاز ان شاء الله

لو جت لى اى افكار سارسلها لكم ان شاء الله

ويمكنكم الاطلاع على موقع بنك الطعام المصرى كمشروع سابق فى هذا المجال
واتمنى ان تكون الجمعية الجديدة افضل وافضل ان شاء الله

موقع بنك الطعام المصرى
http://www.egyptianfoodbank.com/

Anonymous said...

فكرة وحشة

Anonymous said...

ازيك يا أخ مصطفى

طبعا كويس ان ربنا أنعم عليك بهذه المبادرة والتي أرجو أن تكون أولا خالصة لوجهه سبحانه في أولها وإلى آخرها..ولا تفتنك آراء الناس فيك.

ثانيا..فيه مشكلة
أنا رأيي - ومعلهش لو مش هايعجبك بس آهو رأي قد يكون له وجاهته :) - هو:

أن إن جمع الطعام الذي يمكن تخزينه ولو لفترة قصيرة أسابيع أو شهور تماما مثل شنطة رمضان أفضل

ليه؟

علشان عدوى الأمراض
مصر من أكبر الدول التي تعاني من انتشار الوبائيات نتيجة استعمال الأدوات الشخصية وفوط الحلاقين وامواسهم وكثير من العادات الاجتماعية، لدرجة ان بعض الإخوة يحرص أن يشرب من نفس الكوب الذي يشرب منه إخوانه في الله لو فيه عزومة، تبركا...وده لو كان أصلا يجوز، ففي حالة انتشار الوباء لايجوز
مابالك بقى لو جمعنا ده كله من على الموائد ووزعناه.

أرجو أن تفكر في هذا الاقتراح، وهو أن يكون على شكل شنطة رمضان، يعني ممكن اللي هاتبرع يتبرع بأرغفة بس تكون كاملة أو طبق لحمة بس يكون لم يمس، وهكذا

طبعا مع ترتيب كل حاجة، يعني لو حاجات تفسد خلال أسبوعين بالثلاجة مثل الفول أو الطبيخ يبقى فيه تلاجات جاهزة عند الأعضاء، لو حاجات تانية ممكن تعليبها وتبقى في أكياس خارج التلاجة يبقى المكان برضه جاهز

ربنا يوفقك ويجعل عملك ده نورا لا ينطفيء ويجمع عليك باقي أهل الفن ..يمكن الناس تقلدكم

ahmed said...

مصطفى انا معاااااااااااااااك

انا احمد سالم

جمعيه الخير كتير

يشرفنى جداً لو نحب نعمل المشروع دا فى الجمعيه
بدل ما نستهلك وقت فى اشهار جمعيه تانيه

و الرأى رأيك برضوا

و نشوفك ان شاء الله يوم اليتيم فى نادى اكتوبر ان شاء الله

mostafa mahmud said...

السلام عليكم
رأيك ده محترم جدا ودى من ضمن الحاجات اللى احنا واخدنا فى الحسبان بس كويس انك نبهتنا ليها أكتر
ولو عندك أى تفاصيل عن الأكل أكتر ماتحرمناش منها



أحمد
كلمنيييييييييييييييى
0101008476

Anonymous said...

أ/مصطفى ربنا يقويك ويوفقك فى هذا المشروع فكرة جميلة جدًا من حضرتك
وأنا كان ليا اقتراح
ما مدى إمكانية إن المشروع دا بدل ما تقوم بعمل جمعية خيرية إن المشروع يتنفذ فى الجمعيات القائمة على العمل الخيرى وأعتقد أنهم سوف لا يعترضون على مثل هذه الفكرة الجميلة وبكدا الفكرة هتعمل انتشار أكتر فى مصر كلها .
محمد حشاد

mostafa mahmud said...

يا جماعة اللى عنده جمعية نقدر نعمل المشروع مبدئيا من خلاله يقولنا
أما موضوع بنك الطعام المصرى فاحنا ماشيين فيه بالتوازى مع شغلنا
دعواتكم

Anonymous said...

صباحك سكر

السلام عليكم

بص يا فنان
انا عندي اقتراحين

اسم المشروع يبقا اسمو التكية

الاقتراح التاني انو الفكرة تروح لاكثر من جمعية خيرية
زي جمعيات صناع
جمعيات التنمية الاجتماعية فى القري
كل الجمعيات اللى فى البلد اللى ممكن وتحب تشارك في المشروع

وتبقا الجمعية " التكية " هيا اللى بتشرف علي المشروع من جميع الجوانب والنواحي

عشان المشروع يكبر بسرعة وكمان مش تاخذ مجهود كبير فى الحصول علي مساعدات

ربنا يوفقكم

واي خدمة انا موجود

هنــــــــاك

صباحك سكر

مصرى من يومى said...

اولا اعطاك الله الهدى واعز بك الاسلام وارك هدى ومحبتة الرسول وجعلك مع المصطفى فى جنان الله
انا عاوزه اشترك واكيد بفضل الله فى افكار كتيرررر وناس كتير عاوزه تشترك بس ياريت التفكير وتخطيط ومقا بلات لتحديد خطه يكون بعد الامتحانات لان يدوبك حملة لا للمخدرات هتنتهى على دخول الامتحانات

mostafa mahmud said...

وااله خير أدينا شغالين واللى عايز يشارك يكلمنى إذا كان حاليا أو بعد الامتحانات
جزاكم الله خيرا

Anonymous said...

أقترح الأسامى دى للمشروع
اللى ياكل لوحده يزور
لقمة هنية تكفى مية