Saturday, March 22, 2008

أدخل حالا وقوللى رأيك فى الحفلة بالتفصيل الممللللللللل


أدخل حالا وقوللى رأيك فى الحفلة بالتفصيل الممللللللللل

ده إذا كنت حضرت

أما لو ماكنتش حضرت ....فاستغفر ربنا يابنى وانوى نية صادقة على حضور الحفلة إللى جاية فى الساقية فى أول مايو إن شاء الله

الصور والفيديوهات والأغانى بعد يومين ان شاء الله لأنى راجع مييييييييت ولازم أناااام واشبع نووم

السلام عليكم ورحمة الله وبركاته

30 comments:

إسلام فتح الباب said...

السلام عليكم ..أولا شكرا على الحفله الجميله انا حضرتها انبارح ..وكانت حلوه ماشاء الله وفى أغانى كتير عجبتنى ..بس للأسف وكعادة فى معظم الحفلات ..إن الحفلة مش بتبدأ فى ميعادها تماما ..يعنى كان مفروض الحفلة تبدأ الساعه 7 إنما انبارح الحفلة بدات 8 وشويه كمان ..فياريت يكون الميعاد متظبط شويه ..وكان نفسى أسمع أغانى كتير جديد ليك يامصطفى ..هى أعتقد بس الاغنية الجديده اللى انت غنيتها أول واحده بس ..وياريت أعرف أمتى إن شاء الله ناوى تنزل ألبومك الجديد ..وكنت عايز أعرف رأيك فى فكرة إنك تعمل أغانى تانيه من نوعيه "بقى معقوله " لان انا شايف إنها ناجحه جديده وبتبقى مناسبة جدا لجميع الافراح فياريت تهتم شويه بالاغانى الرومانسيه ..وفى إنتظار ألبومك وحفلتك القادمين إن شاء الله ..وجزاكم الله خيرا ..

mostafa mahmud said...

بص يا عم
أولا أشكرك شكر شديد على حضورك الحفلة
ثانيا الحفلة كان موعدها 8 مش 7
والتأخير اللى حصل كان والله مش منى كان من الساقية لأننا كنا منتظرين بشمهندس محمد الصاوى يخلص احتفال فى المسرح التانى فى الساقية علشان ييجى يقدم الحفلة
و الأغانى الجديدة...إدعيلى
نوعية أغانى بقى معقولة هكررها إن شاء الله
وف انتظارك الحفلة اللى جاية إن شاء الله

Anonymous said...

ابدعت ياابو مصطفى يا جامد....مش لوحدك انت والفرقة والاستاذ صلاح جلال والشاعرة زينات القليوبى
الحفلة كانت جمييييلة جدا واجمل ما فيها تنوعها وفقراتها واغانيها الجديدة والقديمة كمان وماشاءالله
دايما فى تقدم وتميز واختلاف
الالبوم الجديد شكله جااااامد
احنا مستنييين اهو ومستنين كمان الفيديو
اما السلبيات والحاجات الملحوظة والذى منه ليا رد تانى ان شاء الله

صحيح......نعيما يا درش

Anonymous said...

السلام عليكم

حابه اشكرك اووي علي الحفلة الجميلة دي

انا عضوة بالساقية
وشفت الرسالة بتاعتكم علي الميل

وعلي فكرة دي اول مرة احضر حفلة زي كذا

عجبتني اووي الحفلة , وكنت خايفة ادخل لان معايا صاحبتي مسيحية , فخفت تزعل عشان الحفلة قالوا اغاني دينية

لكن دخلنا وعجبتها الحفلة كمان

صوتك حلو والباند كمان حلو
عجبتني الاغنية الراب
وكل اغانيك حلوة



وعلي فكرة انا عندي معرض فى الساقية فى شهر اربعة
تصوير فوتغرافي

اكيد هتشرفوني بوجودكم كلكم

Anonymous said...

عندي سؤال صغير

حضرتك ليك الالبومات قبل كذا ؟

عاوزة اسمع كل اغاني حضرتك
ممكن الالقيها فين لو في الالبومات


او اغاني لايف ممكن اسمعها علي اليوتيوب واستمتع بيها


او اغاني mp3

هستناها

وبجد انتم مبدعين وبتقدموا فن راقي جدا جدا جدا

ربنا يوفقكم

Anonymous said...

السلام عليكم ورحمة الله و بركاته
جزاك الله ألف ألف ألف خير علي حفلتك الرائعة...
أنا كنت بتمني أحضر حفلة لحضرتك من زماااااااااااااااان...و أخيرا ربنا كتبها لي
الحفلة كانت عظيمة جداً بكل المقاييس، و كانت مؤثرة جداً في نفس الوقت...بكينا كتييييييييييييير..
و في نفس الوقت اتحمسنا و فرحنا..يمكن زي ما حضرتك قلت."شيزوفرينيا"!!!!!!!!!!!!!!!!!ـ
جزاك الله خيراً مرة أخري،و وفقك لما يحب و يرضي..
(في انتظار الفيديو و الاغاني)

فيروز said...

السلام عليكم ورحمة الله و بركاته
جزاك الله ألف ألف ألف خير علي حفلتك الرائعة...
أنا كنت بتمني أحضر حفلة لحضرتك من زماااااااااااااااان...و أخيرا ربنا كتبها لي
الحفلة كانت عظيمة جداً بكل المقاييس، و كانت مؤثرة جداً في نفس الوقت...بكينا كتييييييييييييير..
و في نفس الوقت اتحمسنا و فرحنا..يمكن زي ما حضرتك قلت."شيزوفرينيا"!!!!!!!!!!!!!!!!!ـ
جزاك الله خيراً مرة أخري،و وفقك لما يحب و يرضي..
(في انتظار الفيديو و الاغاني

Anonymous said...

الله الله بجد علي فنك الجميل

انا من زمان اسمع عن مصطفي محمود

وفريق الوعد بس كنت متخيل

انو دا فرقة افراح بس
خصوصا اني افتكر انو صاحب اخويا عمل فرحة عندكم ويمكن شوفت ليك حلقة قديمة علي عمرو خالد فى البرنامج القديم علي دريم
وكمان حلقة لمني عبد الغني وكانت بتذاع الصبح كمان او يمكن الاعادة
بس كنت مختلف تماما عن دلوقتي
باين انك عمل دايت :)

يعني مكنتش اعرف انو انت بتغني وعندك اغاني حلوة اوووي كذا

انا جيت الحفلة واتفرجت عليك وعجبني الشعراء
جدا
والشعر بتاعهم

كمان عرفت انو عندك الالبومات
شب جنيتل اووي قالي انو عندك الالبومات كتيرة ومتنوعة
هوا انا صراحة نزلت النهاردة ادور عليها بس مش لاقيتها ومش عارف اجيبها
منين
وهو كمان اللى ادني المدونة والموقع بتوعك

العزف كمان رائع والاغاني رائعة

اتمني دايما اسمعجديد من اغانيك وكمان اسمع جديد عنك وعن حفلات ناجحة دايما

عاوز اعرف من فين اقدر اشتري الالبومات بتوعك

وياريت
cd

وازاي اعرف انو فى حفلات جديدة غير حفلات الساقية
؟

Anonymous said...

السلام عليكم.. أخي مصطفى الحفلة كانت رائعة والفرقة كمان كانت رائعة .. إيه الحلاوة دي ربنا معاك ومن أحسن لأحسن وفي إنتظار الحفلة القادمة

عبالعزيز يوسف لسه بحلم said...

بجد كان نفسى أحضر
خيرها فى غيرها

mostafa mahmud said...

ماشى بدماغه
الله ينعم عليك
نورت الحفلة
شاكر للتواصل

mostafa mahmud said...

علياء احمد
نورتينا..ممكن طلب رزل حبتين
ممكن تنقليلى رأى وانطباعات صاحبتك المسيحية بالتفصيل؟؟
تفاصيل معرضك...

بصى يا ستى
أنا ليه تسع ألبومات هاتلاقيهم فى المكتبات الاسلامية فقط....للأسف
إنما أنا قريب هنزل كل أغانيه على الموقع والمدونة
والفيديوهات وكله
وأخيرا شاكر على التواصل معاكى

mostafa mahmud said...

فيروز
الفيديو والصور وكللللله
قريب
نورتى يا فيروز

mostafa mahmud said...

احمد سعد
حتى الآن الحفلات العامة فى الساقيةبس وتقدر تعرف مواعيدها من الموقع أو المدونة
الأغانى كلها هحطها على المدونة قريب جدا

Anonymous said...

السلام عليكم .صباحك سكر

بجد انا حابب اشكرك علي الحفلة الجميلة دي يا فنان يا كبير يا مبدع انا يمكن مش حضرت لكن اصحابي حضروا
انا اللى قايلهم علي فكرة
طبعا كان نفسي احضر بس مش عرفت عشان السبت كان عندي كلية وكمان عشان السفر

بس اصحباي يا بختهم فى مصر اصلا
وكمان كنا عاملين حفلة صغيرة كذا عندنا فى البيت عشان عيد الام

بس اصحابي حضروا وشوفت الفيديو وبجد كان خطير

طبعا مقاطع صغيرة بس ياريتهم يصوروا الحفلة كلها
بالموبايل بس مش نفع

بس بجد ابداع وفن عالي وكبير وانشاءلله توصل بيه للسماء

يا نجم

عندي استفسار صغير من زمان مش شوفت ليك لقاءات ولا برامج علي الدش
ولا برضوا حضور فى برامج عمرو خالد

يمكن انا اللى مش بتابع
بس خليك موجود علي طول
وخليني اشوفك دايما


صباحك سكر ومساك سكر
وانت سكر وابتسامتك زي السكر
وواحد شاي سكر زيادة علي حسابي للفنان مصطفي

Anonymous said...

السلام عليكم .صباحك سكر

بجد انا حابب اشكرك علي الحفلة الجميلة دي يا فنان يا كبير يا مبدع انا يمكن مش حضرت لكن اصحابي حضروا
انا اللى قايلهم علي فكرة
طبعا كان نفسي احضر بس مش عرفت عشان السبت كان عندي كلية وكمان عشان السفر

بس اصحباي يا بختهم فى مصر اصلا
وكمان كنا عاملين حفلة صغيرة كذا عندنا فى البيت عشان عيد الام

بس اصحابي حضروا وشوفت الفيديو وبجد كان خطير

طبعا مقاطع صغيرة بس ياريتهم يصوروا الحفلة كلها
بالموبايل بس مش نفع

بس بجد ابداع وفن عالي وكبير وانشاءلله توصل بيه للسماء

يا نجم

عندي استفسار صغير من زمان مش شوفت ليك لقاءات ولا برامج علي الدش
ولا برضوا حضور فى برامج عمرو خالد

يمكن انا اللى مش بتابع
بس خليك موجود علي طول
وخليني اشوفك دايما


صباحك سكر ومساك سكر
وانت سكر وابتسامتك زي السكر
وواحد شاي سكر زيادة علي حسابي للفنان مصطفي

mostafa mahmud said...

يا نهاااااااااااار أبيض على كمية السكر اللى هاتعلى عندى فى الدم
ياعم أنا عايز أخس انت كده هاتتخننى

على كل حال
انت يا عم اللى سكر انت وكل اللى يتشددلك
اقعد بقى اشرب حاجة
والله أبدا لازم تشرب

Anonymous said...

صباحك سكر
انا كتبت رد طويل عريض بتاع اتنين متر ونص كذا وفى لااخر مش اتبعت
وزعلت

بس مش مهم اديني بكتب ليك تاني


اول حاجه بعد الشر عنك يارب وعن كل المسلمين


والالف شكر يا فنان علي الضيافة الحلوة واكيد هطلب حاجه كبيرة
بس انا مش عاوز اشرب انا عاوز اتفرج علي الحفلة كاملة
شوفوا الطمع يا جدعان

وبعدين بجد انا بحبك فى الله
وبحب ابتسامتك الطيبة اللى زي العسل دي
وبحب فنك الهادف
وبحب اغانيك الراقية
وبحب صوتك العذب
وبحب رسالتك كمان
وبحب اشوفك ( لسه مش لاقي الفيديو )
وبحب اسمعك ( الالبومات القديمة بس مفيش جديد (
وبحب الحب اللى بتحبه للناس
انت وبتغني ليهم مش زي ناس تانية بتغني عليهم
وبحب الحب اللى بشوفه فى عيون الناس اللى بتحبك
وبحب حب ربنا ليك وبقولك ان شاء الله هتنجح كتير جدا وهنشوفك كل يوم علي الفضائيات ونشوف كليبات ناجحة وكتيرة ومؤثرة لحبيبي الفنان مصطفي محمود

بحبببببببببببببببببك فى الله

المرة دي اهي جرعة حب بدل السكر عشان مش تزعل
وبعد الشر عنك اكيد

وبعدين انا ضايفتي بجد يوم ما تعمل حفلة كبيرة جدا لجمهور عظيم جدا جدا وتغني فيها اغاني كتيرة وجديدة جدا جدا جدا وتقدم فني راقي وفن بجد جدا جدا جدا جدا واشوف نجاح جديد كل يوم ليك جدا جدا جدا جدا جدا جدا

بخصوص الاقتراع بقا
انا شايف لو الامتحانات بتاعت الطلبة هتبقا فى شهر 4 زي ما بيقولوا يبقا مش تعملها فى اول مايو عشان اكيد هتكون بداية الامتحانات
وعلي ما اعرف انو نسبه كبيرة من لالى بيروحوا الحفلات طلبة

فمش هتلاقيهم موجودين

ولو الامتحانات هتبقا فى نهاية 5 كالمعتاد
يبقا ممكن تعملها فى اول مايو
عشان الكل يقدر يجيي ان شاء الله


وباذن الله هتكون حفلة ناجحة


يلا بقا كفاية بس خلاص انا رغاي مووووت حرام كذا


صباحك سكر ...

mostafa mahmud said...

يانهااار كمية حبببببب
ياعم الواجب بتاعك شوية فيديوهات على أوديوهات على كيفك والله بجهزها دالوقت عشان أنزلها على المدونة
بس برضه أنا عايزك تطلب حاجة
القهوة جنبنا وبتعمل عصير زبادى يجنن
زبادى سادة ولا بالفواكه؟
خليه بالفواكه أحسن
أسيبك بقى تمزمز الزبادى

Anonymous said...

شكلها كانت حفلة جامدة ياعم درش
قوللى الحفلة اللى جاية امتى ومش ناوى أفوتها

Anonymous said...

انا كمان مش ناوي افوتها

كراكيب said...

عمو مصطفىىىىىى.. انا مدايقة ومتنرفزة وبدبدب في الارض ويوووووووووه بقى.. اشمعنى هما يروحوا وانا لأ... ياماما بقىىىى
اقولك بقى انا ماجيتش ليه: كان لازم حد يروحنا بعد الحفلة بما اني كنت هروح انا ومها اختي وعبير صاحبتي 3 بنانيت والحفلة هتخلص متأخر واحنا ساكنين ف اااااااخر الدنيا زي ما انت عارف.. فبابا قالنا انا عندي شغل وخالو قالنا انا تعبان وكلهم اتخلوا عننا زي الشريرين ومحدش رضي يجيبنا
فطلع القرار من ماما يبقى خلاص ماتروحوش :(
انا زعلانةاوي على فكرة
بس انا حلفتلهم في البيت الحفلة الجاية ان شاء الله هروح يعني هروح
بس لو الامتحانات اتقدمت زي ما بيقولوا يبقى حاجة من التلاتة
ياتلغي الحفلة علشان كدة هيبقى عيب اوي
يا هصوم تلت ايام لان ماما مش هترضى تنزلني اكيد علشان الامتحان
يا اما... كلمتي مش هتنزل الارض ابدااااااا وهروح ان شاء الله

كلمة اخيرة... عمو مصطفى... انت من اجمد الجامدين اللي في الدنيا
peace

Anonymous said...

الحفله كانت جميله جدا جدااااااااااااااااااااااااا
كان اول مره احضرها وان شاء الله مش هتبقى اخر مره
عاوز اقولك ان كل الاغانى كانت جامده جدا بس مش عارف غير اسم اغنيه واحده هى اللى علقت معايا اللى هى ساكتين ليه .وكل اغانيك ال سلو جميله جدااااااا عجبتنى اوى كلها حلوه.ياريت تقولللى ازاى اتعلم ال درامز انا بحبها موت ونفسى اتعلمها ياريت ترد عليا عشان بجد انا بعشقها عاوز اقولك ان صوتك كمان تحفه والاشعار اللى كانت فى الحفله اللى اتقالت جامده جدا وانا كان معايا اصحابى كانو برضه اول مره يجو وان شاء الله برضه متيقاش آخر مره ويارب الجمعيه اللى انت بتعملها تكمل على خير ان شاء الله

Anonymous said...

نسيت حاجه انا عاوز اسمع اغانيك كلها انت مش منزلها على الموقع قولى اجبها منين

Anonymous said...

وانا كمان عاوز اسمع كل اغانيك
انا مش لاقيها خالص
ونزلت ادور عليها فى المكتبات ومحلات الكاسيت مش لاقيها كذلك
ممكن تبعتهالي


memsi_85@yahoo.com

mostafa mahmud said...

ميرو
قلبى عندك...كلنا لها..شدى حيلك..شدة وتزول
ما دايم إلا وجهه...وحدوووووووووووه
لاااااااااا إله إلا اللههههههههههه

والله يا ميرو كنت متفق على موعد الحفلة سبعة مش تمانية عشان موضوع البنات اللى بيكونوا عايزين يروحوا بدرى
بس همة اللى ما التزموش بالموعد
عامة
هى دى حال الدنيا
وحدووووووووووووووووووووووه

Anonymous said...

سلام عليكم
ازيك يا درش ..
بص يا معلم .. واضح ان حفلة أول مايو دي حتبقى في عز انشغال الناس .. وانا رأيي انك تفكر كويس عشان جمهورك الحبيب .. حلوة الحبيب دي ..
يعني أجل شوي يا ريس لبداية الأجازة وخمسة من ستة مش بعيد .. تكون كمان انتخابات المحليات خلصت والناس اتفك حبسها :)
بالتوفيق يا درش دايماً إن شاء الله

mostafa mahmud said...

ده كمان رأيى
بالمناسبة
يعنى إيه محليات؟؟؟؟؟

Anonymous said...

بص .. محليات دي يعني السكر والشربات والعسل والحاجات اللي بنحللى بيها الحلويات .. محليات يا ريس .. ما لكش في اللغة ولا إيه ؟

mostafa mahmud said...

أووبسسسس
هى دى المحليات؟؟؟؟؟
ياراجل مش تقول...
طب اقعد بقه اشرب كباية شاى
إلا قوللى سكرك ايه؟