"قصة زهرة "
أشعار المبدع صلاح جلال
من ألبوم قلب كبير
About Me
contacts
website: www.mostafamahmud.net
e.mail: elwaad2002@hotmail.com
info@mostafamahmud.net
mob.: 0101008476
0109777747
e.mail: elwaad2002@hotmail.com
info@mostafamahmud.net
mob.: 0101008476
0109777747
مدونات ومواقع بحبها
أعشق هذا الرجل
فضيلة الشيخ : حازم صلاح أبو اسماعيل
أنا بحب
أعشق هذه الآلة الموسيقية
counter
شوية حاجات عنى كدة على ما أُسُم
- إسلام أون لاين ....حوار حى
- إسلام أون لاين..صانع الفرحة الإسلامية
- إسلام أون لاين..قريبا سننافس
- المؤرخ..الفن الإسلامى والإعلام
- عشرنات..أغنية نشيد إيه الفرق؟
- عشرينات..ساقية مصطفى محمود
- عشرينات..صانع الفرحة
- عشرينات..صناعة الحياة والمزيكا
- عشرينات..قلب كبير
- فى البلد..لأ مش محمد
- قناة إقرأ..برنامج "صناع الحياة" - قريبا
- قناة الرسالة..برنامج "أنغام" - قريبا
- قناة دريم..برنامج"كلام من القلب" - قريبا
- ماركت النور ....شراء كل ألبوماتى أون لاين
- مجلة" كلمتنا" حوار مع مصطفى محمود...قريبا
- مصراوى..ألبوم مصطفى محمود
22 comments:
السلام عليكم ورحمة الله
حسبنا الله ونعم الوكيل
مالقيتش كلام أكتبه أكثر من هذا الدعاء
أم خالد
والله لا أقصد الاهانة الشخصية او أي شئ غير انى كنت احترمك انشادك فى يوم من الايام
اتساءل لماذا تحاول ان ترسم لنفسك صورة المغني وليس المنشد أقصد ان فيك من الشخص الغير الملتزم اكثر من الشخص الملتزم هذا ما يظهر امامي وامام اكثر من كانوا يحترمون انشادك
كنت تتمتع بشعبية كبيرة فى صفوف اغلب الملتزمين لكنك شيئا فشيئا تخليت عنها
أتساءل هل انت راض عن نفسك ؟؟
عموما اسأل الله لك ان يرزقك نية صالحة لما تفعله و أن يرزقك فيها الاخلاص
استغفر الله العظيم
موسيقي
وحاجات كتيرة حرام
وحفلات
وبتقول اناشيد
حرام عليكوا
انتو بتخدعوا نفسكم ولا بتخدعوا ربنــا
اتقوا الله بقا شويا
ايه الفرق بينك وبين عمرو كلاب لما غني اسماء الله الحسني
او اي حد بيغني
سواء بيغني حاجه بتقولوا عليها دينيه او لاء
ولا فاكرين سامي يوسف دا كمان بيغني اسلامي
حرام عليكم المعازف كلها حرام
وهتحاسبوا علي كل واحد بيسمع الكلام دا
وقال ايه عمرو خالد حاطط اغانيك في موقعه
ربنا يهديكم
اقول ايه بس انتو بتلوثوا الدين اكثر
وفاكرين نفسكم فاهمين الدين
بزمتكم راضيين علي اللى بتعملوه
مش خايف من ربنا
يوم الحساب
وكل واحد بيسمع اغنيتك والموسيفقي استغفر الله العظيم
هتقول ايه لربنـا يوم الحساب
وعمال تقرفنـا بقالك مدة
ميت الالف رسالة علي الميل
وكاننا هنسيب امتحاتنـا ونروح نحضر درس قران
ولا ديني
ولا حاجه مهمة
يطلع فى الاخر اغاني
وكلام فاضي
وحاجات تغضب الله
اقول ايه بس
حسبي الله ونعم الوكيل
ربنا يهديكم
يا اخي اتقي الله
اتقووووووووووووووووووووووووووا الله
السلام عليكم ورحمة الله وبركاته
أخى الفاضل قبل أن أرد عليك أحب أقوللك
جزاكم الله خيرا فعلا لأن نقدك محترم و بناء وانا حاسس إنه طالع من قلبك بجد
ياللا نتناقش
تسمحلى أرد
ياللا بينا
لماذا تحاول ان ترسم لنفسك صورة المغني وليس المنشد أقصد
آفة بشعة فى كثير من الملتزمين إيمانهم بأنهم من طينة غير الناس
إحنا... وهمة
إحنا اصحاب الدين المتدينين ,الدين ده بتاعنا لاينازعنا فيه أحد ,همة مجرد مدعوين بندعوهم للدين يا إما ييجوا معانا فى خندقنا يا إمه يفضلوا إسمهم "همة" إللى ساعات بنسميهم "ناس عادية" على اعتبار إننا ناس سوبر ما حصلتش
إحنا بتوع الفردوس الأعلى إنما همة يا عينى جهنم وبئس المصير
إحنا بتوع الأناشيد وهمة بتوع الأغانى
,إحنا على حق وهمة طبعا على باطل
إحنا فاهمين الدين الفهم الأمثل إنما همة بعاد كل البعد عن الفهم ,الدين أصلا
ده بتاعنا إحنا
أنا بقة
لا أؤمن بهذا التصنيف
أنا من الآخر فنان,تسمينى مطرب ,مغنى,منشد,مؤدى,مبتهل,مداح ..أى إسم زى ماتحب
المهم إنى و بكل فخر فنان يحاول أن يقدم فن هادف محترم راقى يسمو بالمجتمع لا يتقهقر به
ان فيك من الشخص الغير الملتزم اكثر من الشخص الملتزم
أعتب عليك فى هذا التعبير لإنه تجريح شخصى"أعلم أنك لاتقصد"إنما خليك موضوعى
شفت منى إيه يناقض الالتزام ولما نتكلم عن الالتزام أكيد قصدك الالتزام بالدين يعنى لما تكلمنى تكلمنى بالدين يعنى قال الله قال الرسول
مش تقيس التزام الناس على انت اتعودت على الملتزمين شكلهم ولبسهم وأغانيهم إيه
وهى دى الكارثة
إنك بتحكم عليه من خلال انت اتعودت على إيه
بدليل إن فى كلامك ماجبتش سيرة الدين والشرع والفقه
أتساءل هل انت راض عن نفسك ؟؟
طبعا
عموما اسأل الله لك ان يرزقك نية صالحة لما تفعله و أن يرزقك فيها الاخلاص
آآآآآآآآميين
أخيرا شاكر ايك جدا
أتمنى ان تديم النصيحة لى ولغيرى
مش مهم
السلام عليكم ورحمة الله وبركاته
يانهار ابيض هو انا زعلتك أوى كده
مافيش مشكلة كنت تقدر يا سيدى تبعتلى ميل لطيف شيك تقوللى ماتبعتليش إعلانات تانى وانا والله ما كنت هابعتلك
الموضوع بسيط يا سيدى
انا ماعنديش مصلحة إنى أقنع كل الناس بفنى وبوجهة نظرى لو انت مش مقتنع مافيش أى مشكلة
برده احنا اخوات...ده لو انت تحب طبعا... وبينى وبينك حتى لو ماتحبش إحنا اخوات غصب عنك يا فندم
ماتنساش تبعتلى إيميلك عشان أحذفه من عندى
نورت المدونة
وااالااا تزعل نفسك
آه بقوللك..ماتنساش تستغفر على كلمة "عمرو كلاب" ولا انت عندك حسنات كتير أوى كده بتوزعها على الناس
ولا عمرو دياب من الكفار الذين ليس لهم ذمة ولا كرامة ولا عهد ولا.... أى حاجة؟؟؟؟؟؟؟؟
فعلا حكمت عليك بالمظهر ... اسمحلى ان اتدخل فى شئ ربما ليس من المفترض ان اتدخل فيه وان لم تشأ ان ترد عليه هذا شئ راجع لك لكن ما حكمت عليه فى مظهرك هوا مثلا "اطالة شعرك" شعرك الذي فى رأسك لا شعرك الذي تغنيه =)
ربما ستقول انها سنة كما يقول البعض .. اظن ان مظهر اطالة الشعر فى عهد رسولناالكريم غير مظهره فى عهدنا هذا ... ربما فى عهدنا هذا تعني للأغلبية ان من يفعل ذلك هو الشاب الروش و قد تعني اشياء اخرى لا احب ان اقولها حتى لا تفهم اننى اوجه تلك الألفاظ اليك لكن على أي حال ربما فعلت ذلك بنية معينة ارجو من الله ان يرزقك صلاحها
بالنسبة للشخص اللى حط تعليقه بعدي أظن موضوع الموسيقة موضوع لا يزال الاختلاف فيه قائم لكن على الناحية الاخرى ارى اننا كملتزمين - لا اقصد ان اقصر تلك الكلمة علي او على غيري لكن اقصد بها الذين سلكوا الطريق الصحيح الطريق الذي يظنونه طريقهم الى الجنة ان شاء الله- يجب ان تكون دائرة الحرام عندنا اوسع .. فأنت شخص مشهور وستجد من اتخذك قدوة لذلك يجب ان تراعي تلك النقطةحتى فى مظهر
بالنسبة لنقطة كنت تتمتع بشعبية كبيرة بين الملتزمين او على الاقل اللى شكلهم ملتزمين ثم تخليت عنها شيئا فشيئا فأظنك انت شخصيا لاحظت النقطة دي ... أيام ما كنت فى المدرسة اتعملت حفلة فيها اسمها صناع الحياة وحضرتك اللى جيت غنيت فيها ادهشني كمية الآلات اللى بتستعملها فرقة حضرتك وحست انو لاء الموسيقة مش حرام وكل حاجة بس مش لدرجة ان احنا نبالغ فيها او تغطي على الانشاد نفسه... و فى اخر نشيد كنت محتار تغني " واقولك ايه" ولا نشيد تاني وخيرتنابينهم اي نعم الاغلبية اختاروا " واقولك ايه" لكن فى ناس برده اختارت النشيد التاني ساعتها حضرتك رحت معلق قلت: يبدو ان فى ناس معينة و كنت نقصد حينها الملتزمين او اللى شكلهم ملتزمين معترضين على و أقولك ايه عشان كده بقولك لحضرت ان حضرتك نفسك لاحظت نقطة انو الملتزمين او اللى شكلهم ملتزمين بيرفضوا نوع معين من الاغاني
عذرا ان كان كلامي غير مرتب
وعذرا على جملة "فيك من الغير ملتزمين اكثر من الملتزمين" عشان بجد ما كنتش اقصد بيها اهانة حضرتك كشخص لكن كنت اقصد بيها ان حضرتك بتحاول تقليد المغنيين العاديين
وده فعلا تعليق ناس كتير
اما بقه بالنسبة لكل التعليقات اللى فانا صدقا ما كتبتهاش فى سبيل التثبيط لكن نفسي فعلا اي منشد اسلامي او اي شخص مشهور اسلامي يحاول ان يدعوللاسلام بتلك الشهرة ان يقترب من المثالية ان كنا لا نقدر على الوصول اليها
اه وفى حاجة تانية هوا ليه معظم المنشدين دلوقتي بيغيروا فقط فى كلمات الاغانيى العادية ويخلوها اسلاميه
بتبقى حتى مش حلوة اوي
ملحوظة: لا زلت اسمع لحضرتك شرايط لكني انتقى وغالبا ارجع الى الشاريط القديمة
عذرا مرة اخرى على الافكار الغير مرتبة
أخى الفاضل....جدا
السلام عليكم ورحمة الله وبركاته
أكرر إبدائى للسعادة بكلامك وإحساسك وذوقك ونقدك البناء ..ده أولا
تسمحلى أرد؟
مسألى شعرى دى أنا ليس لى فيها أى نية دينية خاااالص ..شفت ازاى؟
يعنى عمرى ماسمعت ولا عرفت إنها "سنة "عن النبى صلى الله عليه وسلم
وطبعا سنة دى زى ما انت عارف يعنى اللى يعملها يثاب من الله
أنا يا سيدى عاملها عشان أنا عايز أعملها ..بس
انتهى الموضوع على كده
واظن نعلم جميعا القاعدة الشهيرة جدا التى تقول "الأصل فى المعاملات الإباحة إلا ماورد فيه تحريم فى الكتاب أو فى السنة الصحيحة"يعنى بمنتهى البساطة أنا حر فى الدنيا دى أعمل اللى أنا عايزه (معاملات طبعا مش عبادات) طالما مش حرام
ده إيه ؟ ده لو كان لم يرد أصلا فيها تحريم أمال لو كان النبى صلى الله عليه وسلم عمل كده بنفسه فازاى يجيلك جرأة تقوللى إن ده غلط لمجرد إنك مش متعود انت ولا المجتمع على الشكل ده
من إمتى كان المجتمع مصدر تشريع يا راجل يا طيب؟؟؟؟؟
مش ممكن
فضلا راجع أغنية....آه أغنية (يا مجتمع) فى ألبوم( بعد الصمت) عشان تعرف أنا عايز أقول إيه
شفت بقه إنك بتحكم بناءا على تعودك الشخصى وكلامك لا يمت للدين والشرع بصلة
بالمناسبة حتى كلمة روش دى لا تمت للشرع بصلة مين قال إن الروشنة فيها حرام
الحرااااااااام هو الحراااااااااام
يعنى كلمنى فى الدين وانا أرد عليك بالدين
أنا يا سيدى روش وعايز ابقى روش ونفسى أبقى روش وبقلد الروشين وبقلد المغنيين (مش فى الحرام طبببببعا)تقدر تقوللى ده غلط فى إيه؟؟؟؟؟؟؟؟
طبعا أنا مش هى دى وجهة نظرى أوى كده بس حتى لو قلتلك كده ماتقدرش تقول إن ده غلط
تاااااااااااااااااااااانى
بلاش نحكم على الأشياء من خلال تعودنا إحنااااااا
مسألة الموسيقى مش هاتكلم أبدا عليها لأنى مش عالم ودى مسألة محسومة ومافيهاش رغى كتير
هوا ليه معظم المنشدين دلوقتي بيغيروا فقط فى كلمات الاغانيى العادية ويخلوها اسلاميه
أنا ضد ده بكل قوتى وده أصلا بقه حراااام شرعا.يعنى سرقة
وفقر فنى وابتذال وبرضه يحمل فى طياته فكرة إن الناس"العادية..إللى همة مش سوبر زينا(راجع الرد السابق)"دول ناس كل فنها حرام ومستحل لينا ناخد منهم ألحان توزيعات ونغير فيها فى الكلام عشان يبقى إسلامى عشان إحنا بتوع الإسلامى..إحنا بس
يعنى أسرق وابقى حرامى وآخد ألحان الناس إللى تعبانة فيها واتخيل إنى كده إسلاااامى
أخيرا...لا تحرمنى من النصح دائما
إدعيلى....بقوللك إدعيلى...الله؟؟؟ بقوللك إدعيلى
أيوة كده
السلام عليكم ورحمة الله وبركاته
انا سعيد باسلوب مصطفي في الرد بغض النظر عن اتفاقي معه في كل ماقال
انا متفق في المعظم ولكن لفت نظري جملتين حبيت اعلق عليهما
1-(ان دائرة الحرام لا بد ان تكون اوسع عند الملتزمين)
وده فعلا فهم كثير من الملتزمين وهو حاجة لا ترضي الله ورسوله لأن اثم تحريم الحلال مثل اثم تحليل الحرام - لا فرق وقد ذم الله في القرآن من يفعل ايهما
ثانيا : وظيفة من تفضل الله عليه بالالتزام بدينه بعد ان يفهم هذا الدين هو ببساطة تطبيق هذا الدين علي نفسه ومن يعول وان يدعوا اليه من حوله واعني هذا الدين : هذا الدين كما هو دون تظبيط من وجهة نظرنا نوسع الحرام هنا ونضيق الحلال هنا
بل والله اعلم : من الفقه في هذا الزمان التيسير قدر المستطاع علي العباد لا العكس
2- (وحست انو لاء الموسيقة مش حرام وكل حاجة بس مش لدرجة ان احنا نبالغ فيها او تغطي على الانشاد نفسه... )
دي انا مش عارف افهمها اخي الكريم
لان حسب مافهم ان الموسيقي وتوزيعها خلال الأغنية دي زاوية فنية ومن ينقدها يكون دارس موسيقى او على الأقل من المهتمين يها ومش زاوية حرام وحلال لانه بدهي انها لو حرام مش هاتفرق هي كتير ولا قليل
ربنا يكرم الجميع ويرزقهم الاخلاص
مش عارف اقولك يا زهرة ولا يا مصطفى
ههههههههههههه
ده هزار طبعا ... الشعر جميل جدا والكلمات اجمل ولكن كان المفروض تبقى احسن من كده لو كانت بصوت طفلة زى الطفلة مى او سارة
عموما كان عندى اقتراح نزل اغنية "بعد الصمت" مع اغنية "مات الكلام" مناسبة جدا للوضع فى غزة وفلسطين انسب من "زهرة" او معها مفيش مشكلة
اخيرا عاجبنى اسلوبك فى الرد على من يخالفك فى الرأى هو ده بجد اللى عاوزينه نقاش بدون تجريح ولا اهانه وتقليل من قيمة التانى والاختلاف ده طبيعه البشر
وعلى رأى استاذنا الكبير عمرو خالد دعوة للتعايش
اخيراااا....فين الفيديوووووو
والله ما هاكسفك
اقتراح جميل جارى تنفيذه
الفيديو والله لسة ماجبتهوش
السلام عليكم
إيه رأيك في أغنية يا أمة الأسلام بيتهيألي أنها مناسبة للوقت الحالي نزلها من عند موقع عمرو خالد
أخي مصطفى .. إني أحبك في الله .. دول كلمتين قصدي من وراهم حاجات كتييييير أوي بس مش عايز أعلق عشان ما حدش يقول مين يحكم للعريس .
أحبك الله الذى أحببتنى فييييييييه
يا أبا الصلح
كنا عاوزين حاجه جديدة كدا اهداء للشعب المحاضر
بس بردة تسلم
ايديك
معلش شويه مشغول ف المعرض
مش بخش اللى فين وفين
ابقى شرفنا يازعيم
انا فى النور على فكرة
وشرايطك منورة
المهم نورنا
سؤال للجميع و مطلوب تفكروا فيه باخلاص: اذا كان حبيبنا رسول الله صلى الله عليه و سلم موجود هذه الايام و مصطفى دعاه للحفلة يا ترى كان هيحضر الحفلة؟ طيب و رايه هيكون ايه؟
السلام عليكم
بخصوص الرد على الأستاذ اللي بيسأل إذا دعى الرسول عليه الصلاة والسلام للحفلة اليوم أكيد كان حييجي علشان الحفلة مافيهاش أي شئ خارج عن الدين وكل أغنيه بيغنيها مصطفى فيها دعوه سواء للأم أو الزوجه أو الوطن حتى غنائة للأطفال فيها دعوه ياريت الأستاذ اللي بيتكلم ده يقوللي هو سمع إيه في أغني مصطفى مخليه مضايق كده
وبعدين إيه اللي خلاك تحضر الحفلة وأنت عارف طريقة مصطفى محمود في الغناء ؟؟؟؟وبعدين يظهر أنك فاضي ومش لاقي حاجه تعملها فبتتسلى .
شكرا يا أم خالد. أنا الأستاذ اللي حضرتك بتتكلمي عليه. أولا أنا مقلتش اني متضايق و واضح ان حضرتك اللي متضايقه جدا. ثانيا أنا ماحضرتش الحفلة لاني حاسس ان الرسول عليه الصلاة و السلام ماكنش هيحضر الحفله و ماكنش هيكون راض عنها (و ده احساسي الشخصي و يحتمل الثواب أو الخطأ) و أخيرا أحب أقول لحضرتك اني مش فاضي خالص زي ما بتقولي لكن يعلم الله و يشهد اني مش عايز أي حاجه غير الخير و الصح لمصطفى و ليكي و لي و لكل المسلمين. و لاني عارف ان مصطفى عنده قلب بيسمع بيه و مش هيسمع من ودن و يخرج من التانيه و ده اللي شجعني اني أقول رأيي. و ربنا يغفر لنا و يهدينا جميعا.
أخى العزيز
السلام عليكم ورحمة الله وبركاته
أعلم ومتأكد من صدق نيتك وحبك لى ويكفى إنك كلفت نفسك وبذلت مجهود عشان تنصحنا
لكن......
الافتراض اللى انت افترضته ده افتراض خاطئ فى المناقشة وغير موضوعى
الموضوعية اننا نتناقش بالشرع والدين إنما افتراض إن النبى صلى الله عليه وسلم موجود بيننا كان عمل كذا وكذا دايما اللى بيفترضه بيكون عايز يضفى شرعية على وجهة نظره مع إنه ممكن مايكونش معاه أى دليل شرعى على رأيه وده من خلال أسلوب إنشائى استفهامى غرضه إنه يقول إن النبى صلى الله عليه وسلم هايكون موقفه زى موقف المتكلم و ده افتراض غير موضوعى بالمرة وممكن أردلك عليه بشوية أسئلة ولوسمحت ترد عليها
تفتكر لو النبى صلى الله عليه وسلم بيننا
كان عمل موقع على النت؟ طب هايسميه بإسمه ولا بإسم تانى؟طيب تفتكر كان هايكون رئيس جمهورية أو حاكم للعالم او المسلمين ولا هايكتفى بالتربية والدعوة إلى الله؟
تفتكر هايكون أقرب للإخوان ولا السلفيين ولا التبليغ ولا الجهاد ولا الصوفية ولا صناع الحياةولا..ولا..؟؟؟
تفتكر هايروح يهنى المسيحيين بأعيادهم فى الكنيسة ولا لأ؟
تفتكر كان هايعمل قناة فضائية يلقى فيها الدروس الدينية ولا لأ؟
تفتكر كان هايدخل أولاده مدارس أزهرية ولا مدارس إسلامية مش أزهرية؟ولا هايسفرهم برة يتعلموا أحسن ولا مش هايدخلهم مدارس أصلا؟؟
كووول الأسئلة اللى أنا سألتها دى أسئلة فى رأييى أسئلة غير سليمة فى المناقشة, الحالة الوحيدة اللى ممكن فيها نسأل أسئلة زى دى لو حد مننا بيفكر مع نفسه...لو كان الرسول صلى الله عليه وسلم مكانى كان هايعمل إيه؟
وصدقنى
كل واحد بيجاوب وهايجاوب حسب اقتناعه هو
مثال لو واحد من الإخوان أكيد هايقول بالفم المليان
طببببعا هايكون زعيم الإخوان والتبليغ هايقول نفس الكلام بالظبط
أنا شخصيا كل ردودى على الأسئلة اللى فاتت إن النبى صلى الله عليه وسلم هايكون زى ما انا مقتنع وانت كمان هاترد ردود تانية خالص برضه حسب وجهة نظرك
يعن من الآخر لو انت كان عندك اعتراض على حاجة من اللى بقدمها وعندك الدليل على إنها حرام أو غلط كنت قلت إنما المسألة إن انت مش مستسيغ الموضوع
وانا والله العظيم فى الحالة دى ماعنديش أى مشكلة إنك تكون مش مقتنع مش منسجم مش مستسيغ لإنى بمنتهى البساطة عمرى ماهاقدر أرضى كل الناس
إنما عشان تضفى عليها صبغة شرعية وتسأل السؤال ده فأنا هنا أكون معترض ...آسف ...هاكون مختلف معاك فى الرأى
وصلت الفكرة يا أخى؟
نورت المدونة يا باشا
السلام عليكم
بص يا أستاذ مصطفى . افترض معايا اني حاطط فلوسي في بنك عادي (غير اسلامي) و انت جيت قلتلي ان ده ربا فأنا رديت عليك و قلتلك اني مقتنع اني مش بعمل حاجه غلط و ان دي أراء كثيره و انى أخذت برأي الشيخ فلان و الشيخ فلان اللي هما معروفين جداو في مواقع تسمح لهم بالفتوى و انهم قالوا البنوك حلال .. حلال .. حلال . مع العلم ان مجامع الفقه المعروفه و المعترف بها كلها أجمعت ان البنوك ربا محرم. هل ده معناه ان مافيش عليا وزر؟؟
أنا عايز أقول ان في أراء شرعيه قليله و منتقده انت معتمد عليها في حين ان معظم الأراء قد تكون على العكس .
ما تفتكرش اني ماعنديش ذنوب أو
ذنوبي بسيطه ده أنا مليان خطايا و اذا مت علي ذلك هكون أصغركم و أقلكم يوم القيامه.. أدعوا لي باهدايه و الصلاح و الجنه.
Post a Comment