Sunday, January 20, 2008

أدخل حالا وقوللى رأيك فى الحفلة


أدخل حالا وقوللى رأيك فى الحفلة بالتفصيل الممل
ده إذا كنت حضرت
أما لو ماكنتش حضرت ....فاستغفر ربنا يابنى وانوى نية صادقة على حضور الحفلة إللى جاية فى الساقية فى أول مارس إن شاء الله
الصور والفيديوهات والأغانى بكرة ان شاء الله لأنى راجع مييييييييت ولازم أناااام واشبع نووم
السلام عليكم ورحمة الله وبركاته

33 comments:

Anonymous said...

الحفلة كانت رائعة

واغانى وجيه عزيز كانت حلوة اوى

هو مفيش كتاب لاشعار ا. صلاح جلال؟؟؟

Anonymous said...

انا اسمى مها و عندى 13 سنة و الحفلة كانت حلوة أوى و الشعر بتاع زينات الأيوبى كان حلو أوى و كمان عمرو خالد الناس كلها كانت مبسوطة بيه و كل الأغانى كانت حلوة و عيزين حفلة كل شهر

الفقير إلى الله said...

الحفله كانت ممتازه بجد وفكرة النشيد الجديد اللي نم غير موسيقى ولا ايقاع هايله بس الحته اللي طلع فيها يا عيني ياليل مكانتش كويسه م وجهة نظري لوحدها كان مممكن تبقى خلفيه لحاجه بتتقال لان النشيد كله كانت كلماته اسلاميه ماشي في نور الله وياريت يكون فيه اناشيد كمان على دف بس علشان ترضي كل الاذواق لان فيه ناس مبتحبش تسمع اناشيد بموسيقى خالص وفيه ناس بتحب تسمعها بدف بس وجزاكم الله خيرا بجد

الفقير إلى الله said...

آه نسيت اقول لحضرتك ياريت بعد اذن حضرتك تسمحلي انزل تقرير عن الحفله في المدونة بتاعتي ولحاجات اللي صوتها فيديو بالموبايل ممكن ولا لأ؟

Anonymous said...

للاسف الشديد معرفتش
ان شاء الله الحفلة الى جاية احضرها

Anonymous said...

السلام عليكم و رحمة الله و بركاته
للاسف الشديد المريع مقدرتش
برغم انى كنت عايزة جدا بس لانى ساكنه بعيد عن الساقية و مفيش مكان قريب بيبيع التذاكر و فى ظل الظروف الفزيعة للكليات فملحقتش اروح اجيب تذاكر
و المشكله دلوقتى ان الحفلة شكلها كان حلو
يبقى علشان كده الحفلة الى جاية ان شاء الله لازم تبقى اجمد علشان ماندمش على دى

شكرا

Anonymous said...

الحفلة كانت جامدة مووووووووووووووووت
بصراحة كل حاجه فى الحفلة كانت كويسة بداية من الاضاءة الى اخر الحفلة بخلاف حاجات بسيطة كده
اكتر الاغانى اللى كانت حلوة اوى ساكتيين ليه و عشانك يابلدى و مراية والله اكبر بسم الله اكيييد اللى قعدت ازن عليك بيها لحد ماغنيتها والباقى كله كان جامد بس دول الافضل
وطبعا عشان منساش الشعر بتاع الحاجه زينات الايوبى واستاذ صلاح جلال و ربنا يخللنا حمادة
مستنى الفيديووووووووووووووووو....

Anonymous said...

اااه صحيح نسيت اقولك على الحاجات البسيطة منها
اغنية ماشى فى نور الله كانت الفكرة اكثر من رائعه بخلاف الراجل اللى طلع غيم علينا فى الوسط ده مكنش لذيذ خالص

Anonymous said...

السلام عليكم
الحفلة كانت جامدة اووي يا فنان
وبجد انبسطنـــا جدا كلنـــا
وكان نفسنا نسمع اغاني تانية اكثر

وكل سنه وانت طيب علي عيد ميلاد الفرقة

وعقبال مليون و ميتان سنه
ومش تسال ليه ميتان بالذات المهم تفضلوا متميزين كذا علي طول

فى ناس كتيرة مكنتش تقدر تيجي الحفلة
انا كان عندي امتحان النهاردة يعني تاني يوم الحفلة الساعة 8

وسمعت فى حفلة فى اول فبراير ياريت تكون موجودة عاوزين نحضرها عشان هتكون فى الاجازة ونقدر نيجي كلنـــا
وحفلة مارس كمـــان
هنحاول نحضرها
وياريت تسمعنا اغاني جديدة دايمـا فى اغاني احنا حفظنهـا هيا حلوة بس عاوزين نسمع جديد علي طول منك يا فنان

بالتوفيق

سارة علي : مديرة موقع سما الاسلام

Anonymous said...

ماشاء الله
الحفلة كانت جامده مووووووووووت وعقبال يارب الحفلة القادمه وأنت يامصطفى كنت أكثر من رائع وكل الناس كانت مبسوطه وبتدعيلك والفرقة كمان كانت شكلها حلو جداًبصراحة كل حاجه كانت جميلة وخصوصاً أنك عملت تشكيلة من كل أغانيك ( أغنية الأم والزوجة والأطفال والدينيه والشبابية) إيه الحلاوة دي
بالتوفيق
أم خالد

Anonymous said...

هاي
ازيك يا مصطفي
انا علي من مصر الجديدة
علي فكرة وصلني الايميل بس مش قدرت اجي
كان نفسي اجي بجد بس عندي امتحانات

ياريت يبئ فى حفل تاني عشان نيجي ونشوفك

هستنا اخباركم
وكمان هستنا الفيديو ياريت عشان نفسي اشوفك

والاغاني والصور وكل حاجه

مش تتاخر علينا بيهم

سلام

Anonymous said...

السلامو عليكوم

حلوة المدونة بتاعت استاذ مصطفي

بس عندي تعليق واحد علي ميعاد الحفلة
الميعاد كان متاخر واضطرينا نقوم فى نص الحفلة عشان نروح بدري خصوصا اني فى مدينة نصر
وكمان الميعاد متاخر والبنات مش ينفع يتاخروا

وكمان امتحانات اخواتي الاثنين كان عندهم امتحان تاني وتالت يوم الحفلة

مكنش ينفع نكملها لاخر مع انو صحابتي قالو انو فى فقرات تجنن بعد ما قمنا وزعلوني اوه

عاوزة اسمع اخبار جديدة عنك وعن الفرقة
ربنا يوفقك

Anonymous said...

ws.

نا معجب بيك اوووي يا مصطفي يا جامد
اغنيك كلها حلوة

وعجبتني اغنيه ايمان البحر درويش عشان مكنتش سمعتها من زمان وبمووووووووووووووووووت فيها
وكان شكلك شيك اوووي فى الحفلة

وبموووت فيك

t.c

Anonymous said...

ايه يا عم انا ضفت الايميل اللى وصلتني بيه رسالة الحفلة

الايميل دة
elwaad@elwaad.com

ومش قبلت لااضافة

عاوز اكلمك اون لاين

عشان حفلة يوم اليتيم

اقبل اضافتي يا راجل يا طيب

Anonymous said...

نسيت اقولك مبروك علي الحفلة

مع اني مش شوفتها بس برضووا مبروك

mostafa mahmud said...

السلام عليكم ورحمة الله وبركاته

يا جماعة جزاااااااااااااكم الله خيرا

أنا طاير من السعادة بهذا الكلام

بس أنا مازلت مستنى حد يقوللى أى سلبيات لأنى متأكد إن أكيد كان فيه سلبيات
وده بيفيدنا جدا عشان نتلافاها فى المستقبل

الفقير إلى الله ....إعمل اللى انت عايزه يا معلم..دوووس
بس ابعتلى اللينك

Anonymous said...

الحفلة كانت روعة وكنت انت اروع

دخلت الصبح عشان اكتبلك راي وكتب رد طويل اوووي بس مش اتعبت مش عارف ليه
وكنت مستني تعليقك عليه

بس مش مهم

باين انو معجبينك كتير واخذوا الكومنت الاول مني

وباين انو الاخت منة النادري مش بتتوصي يعني
علي طول كتبت الكومنت بعديا

بس الحفلة حلوة وانت حلو والفرقة حلوة والاغاني حلوة

بس فين الحته بتاعتي من التورته الحلوة

التورته البلسكيت

هههههههههههههههههه


سلملي علي ابو الشعراء صلاح جلال قولة ابدعت انت كمان
وسلملي علي حمادة كمــان
hahahahhahah
وبنت الايوبي دي خطيرة اوووي
هيا مش شاعرة قوية بس عجبني اسلوبها

عاوز اشوفك دايما فى الساقية

وبرا الساقية

ومبروك الحفلة ومبروك الفن الرائع ومبروك 10 سنين لفرقة الوعد ونشوفكم علي طول مطرقعين الافراح والحفلات

ومش تشوقونا اووي كذا

وافتح الموقع بتاعك كمــان بقالو كتير مش شغال
وابعتلنــا وقت ما تخلص

Anonymous said...

كلاكيت تاني مرة



اديني بقولك

ميعاد مكنش كويس

كان فيه لخبطة فى الكلام

وباين مكنتش حافظ اسماء الفرقة بتاعتك

بس مش مهم دا كلو انت ابدعت فى الاغاني

كنا عاوزين نسمع اكثر لايمان البحر درويش و علي الحجار


ونسمع ليك انت اغاني جديدة

mostafa mahmud said...

يوم اليتيم
ابعتلى على
elwaad2002@hotmail.com

عاشقة القمر said...

مع اني للأسف للأسف للأسف ماحضرتش الحفلة بس سمعت عنها كل الحاجات الكويسه من أصحابي اللي راحوا وبجد كنت بحقد عليهم موووووووووووت .. ويارب يارب اكون في الحفلة اللي جاية بإذن الله .. ومستنية كل فيديوهات وصور وكل حاجة عن الحفلة .. واتمنى لك المزيد من النجاح والتألق ..

Anonymous said...

حفلة روعة مووووت يا درش بس كنت محتاج تركز شوي .. يعني ما دمت عامل بروفات على أغاني معينة بلاش تقول للناس عايزين تسمعوا ايه لأنها بتبقى محرجه لما بتقعد تظبط مع الأرتيست اللحن اللى ما يعرفوش
كمان فكرة مساحة الشعر للمبدع صلاح جلال كانت جامده موووت وهو ما شاء الله أبدع
آخر حاجه احنا حنفضل كده من غير جديد ولا إيه ؟؟ فك كيسك يا ريس واعمل لك حاجه جديدة

sara sss said...

كانت جميله ماشاء الله لاقوة الا بالله وأدائك كان جميل ربنا يكرمك
بس السلبيات بجد الوقت كان متأخر وللأسف كان نفسى انا و أختى نكمل بس روحنا بدرى
علشان الوقت كان أتـأخر
حضور استاذ عمرو خالد كان ررائع الراجل ده بجد محترم اوى
ربنا يكرمه
عموما كل عام و الوعد بخير
وان شاء الله كل حفله احلى من اللى قبلها
(جزاه الله خيرا احمد الشريف لولاه مكناش عرفنا )

mohammed alsha3r said...

بصى ياصاصا

عندى كلالالالالام بالعبيط

هقوله

بس على مدونته

بالصور

والفيديو

وهنسيط لك مووووووووت


انا صحيح فى المعرض

فى صاله 4

دار اجيال

ابقى تعالى مر علينا


هستناك فى مدونتى

سلام ياصاصا ييييييييافنان

خالد حفظي said...

لا أجد
ما أقوله
أشعر بالعار يلفني
يشل يدي
و يعقد لساني
صدقوني
ما تمنيت الموت غير اليوم
يااااااارب
إقبضنا إليك غير خزايا ولا مفتونين
........................
صائم حتى يرفع الحصار عن غزة

mostafa mahmud said...

منة النادرى
للأسف صلاح لسة ماعملش ديوان لكن أنا هشجعه على الموضوع ده
شكرا لفكرتك

مها النادرى
حفلة كل شهر هاحاول , الحفلة الجاية أول مارس إن شاء الله

mostafa mahmud said...

أميرة
إن شاء الله كل حفلة تكون أحلى من اللى قبلها
خلصى امتحنات بس واحضرى اللى جاية
وهاتتبسطى إن شاء الله

بالمناسبة مدونتك حلوة جدا

م.جودة
شكرا يا باشا

سارة على
ربنا يبارك لك

dr_moshe
كأنك كتبته يا باشا


محمد الشاعر
مستنيك فى مدونتك
جزاكم الله خيرا يا باشا

Anonymous said...

جينا بقى للسلبيات
بصراحة انا معاك ان اكيد فيه سلبيات بس من حلاوة الحفلة وكثرة الايجابيات غطت عالسلبيات تكاد تكون اختفيت او اتمحيت
بس اى ان كان هقولها برده
اولا انا حاسس الحفلة جات بسرعه يعنى مكنش فى تدريب عليها كتير
ثانيا كان فى وقفات بين الاغانى طولت فيها عشان بتدور عالاغنية او بتظبط مع الفرقة ممكن مشكلةالنسيان دى تطلع بهيد فون بدل حكاية الورق دى
ثالثا انا محستش بالجيتار خالص طول الحفلة مش عارف ليه
رابعا كان هيبقى شئ كويس او افضل لو كان الشعر معاه موسيقى هادية
واخيرا وليس اخرا كنت عاوزك تهيص الناس وتهيص انت اكتر من كده
معلش طولت عليك...بس انت اللى جبت سيرة السلبيات

Anonymous said...

الحفلة كانت جامد جدا الصراحه

وانبسطنــا جدا

وجزائكم الله خيرا انكم خبرتونـا

وامتعتونــا وفرحـتونــا واسعدتونــا

وسندوتش تونــه
معلشي صاحي جعان اوووي

صحابي كلهم كانوا عاوزين يجيو الحفلة بس مش قدروا علي الامتحانات

انتلازم تعمل حفلة تانيه قريب عشان ننبسط بيك اكتر
واعلمنا حفلة فى نادي الصيد

عشان نشوفك هناك دايمــــا
عاوزين نشوف فن را4قي كتير جدا
وفن هادف
وفن جامد
وفن رائع
زي اللى انت بتقدمه يا مصطفي
وفريقك الجميل دا

ربنا يخليكم لبعض

وابعتلولنــا دايما علي الميل انا فرحت بالميل الاول مع انو اتكرر تاني بس كان لذيذ يعني

من لا يشكر الناس لايشكره الله


وجزائه الله خيرا احمد الشريف
عشان قلنــا علي الحفلة ومش اكتفي بالرسايل اللى وصلتنلنا

وجزئه الله خير عمرو خالد انو جيه الحفلة واسعدنا وانا اتصورت معاه علي فكرة وجزائه الله خير وجدي العربي علي كلامه الطيب وعلي فكرة هحاول اروح المسرحيه بتاعته

وجزاها الله خير الشاعرة زينات القليوبي علي فنها الجميل دا والمدح الكبير دا فى سيدنا محمد صلي الله عليه وسلم
" انا مين انا عشان امدحه "
عندها حق بجد

وجزائك الله خيرا يا مصطفي عشان الحفلة الجميلة دي وبجد مش تحرمنا من فنك الجميل دا ابدا

وجزائكم الله خيرا علي
الحفلة الرائع واليوم الرائع بجد
استمتعنا جدا
وجزائكم الله خيرا يا فريق الوعد واحد من اول المقدم مش فاكر اسمه لحد بتاع الاورج و الجيتار و الطبلة وكل الالات الجميلة اللى مش بتغضب بيها ربنا فى فنك يا مصطفي
مش تنسي حفلات تعملنها فى نادي الصيد
ومش تنسي تقولي علي كل جديدك
وعاوزين نشوفك دايما متقدم ومتميز وبتقدم لنا فن جميل وجامد ورهيب ويسعدنا ويسبطنــا واهم حاجه مش يغضب ربنا
ومش تنسي سندوتش التونه
حد ياكل تونه علي الصبح كذا يلا معلشي كل سنه وانت طيب
يلا انا طولت عليك بس عندي امتحان بعد شويا وهرجع تاني اكتبلك كل اللى عاوز اقوله لك

سلام بقا يا جميل
بحبكم فى الله

Anonymous said...

انا بعتذر
نسيت الشاعر

صلاح جلال

جزائه لاله خيرا علي الاشعار
وحلوة القصيدة بتاعت

شخبط شخابيط

يا حمادة

علي فكرة انا عارف حمادة ومش هروح اقولوا
هههههههه
جميل اووي صلاح وشعره وفنه

عاوز اشوف موقعه لو عندك ابعتلي اللينك علي الميل
مرسي خالص

Anonymous said...

انا عجبتني الحفة بجد
كنت تجنن

بس الفيديو هينزل امتي انت قولت النهاردة

والاغاني

واغنيه عزيز وجيه

وايمان البحر
والاشعار

والحفلة كلها
,
الحفلة الجاية فى اول فبرايرولا اول مارس

عاوزين يكونوا الاثنين

اول فبراير هتكون احلي عشان هنكون لسه فى الاجازة
ولسه مش رجعنا لزحمة المذاكرة والدراسة

والكل هيقدر يجيي ... غير الحفلة دي ميعادها كان صعب شويتين
عاوز اسمع الاغاني بتاعتك الجديدة
مش لاقيها علي النت

وعاوز اعرف اخبار الفيديو كليب
بقالنا كتير مستنينه

كل سنه وانت طيب

mostafa mahmud said...

http://7abetshe3r.blogspot.com/

مدونة الشاعر صلاح جلال

Anonymous said...

استااااااااذ مصطفى.. ولقد حضرت الحفلة وقعدت فوق واتفرجت واتمزجت وصقفت وانبسطت
الله على أستاذ صلاح جلال والحاجة زينات الأيوبي بجد كلامهم الاتنين رهيب
كان نفسي عمرو خالد يقول حاجة قبل ما يمشي
كان نفسي ف حتة تورتة
الاستبيانات اللي اتوزعت مش كلها اتجمعت بدليل ان الاستبيان بتاعي لسه معايا
كنت بسأل ع الأغاني اللي انت غنيتها بتوزيع جديد زي يا طريق ممكن تنزل في شرايط أو ع الموقع أو كده أو الاغنية بتاعة بلدي الجديدة الحلوة دي كمان
يا سلام بأه لو كنت غنيت الاغنية بتاعة تعالوا نحلم نبقى كبار وجبت معاك كورال الاطفال اللي غناها معاك
فكرة اغاني ايمان البحر وعزيز وجيه كانت حلوة والاغاني اللي اتغنتلهم كانوا متنقيين صح
عايزة اقول حاجة بأه بصراحة وبصدق.. عايزين مصطفى محمود يشد حيله الفترة اللي جاية أكتر من كده ويستعين بالله عشان بجد لو حاطين في دماغنا فكرة وجود البديل يبقى نلاقي البديل على طول لان انتاج الشرايط والاعمال انت مقل فيها
شد حيلك يا نجم..متوقعالك ان شاء الله مستقبل جامد واللهم ارزقنا التركييييز والنية والارادة والصمود و........ وكل الكلام الكويس

Hamzawy said...

http://www.youtube.com/watch?v=VJ8bH4UFubU&eurl=

ده اللينك بتاع كليب تعالوا نحلم

كنت عملته من سنتين

انا محمد حمزة من مدينة نصر

مش عارف فاكرني ولا لأ

احنا العملنا حفلة سنة 2003 وانت نوراتنا في اخر الحفلة بنشيد لا لا مش حنفارق

احنا عملنا الكليب ده وكان نفسي تشوفه علشان لو نعمله بشكل انضف

اتمنى انك تقولي رأيك فيه