يعنى هنكون ممنونين لوحد يعنى خد الحتة دى "كوبى بيست" عنده فى مدونته,موقعه,على حيطة بيتهم أى حتة والسلام..يعنى هتكون مساعدة من الإنسان.. لأخوه اللى هو الإنسان برضه (زميله فى البشرية يعنى) ولاهى الإنسانية إنعدمت فى الزمن ده..تخيل تساعد المحتاجين بــ "كوبى بيست" إيه الحلاوة والبساطة دى؟؟
ياللللا يا حبيبى
ياللللا يا بابا..شكة دبوس
كووووووبى....بييييييست....هييييه شفت بسيطة ازاى....حسيت بحاجة...شطووووور
تشكر يا ذوق يا أمير يابن اللللل أمرا..ماتخافش نسبتك محفوظة..فى الثواب ماتفهمنيش غلط
25 comments:
انا مش هينفع طبعا اعملها كوبى بيست واوزعها عندى لان انت عارف ان خارج مصر بس انا بعتها ايميل للناس الحلوة فى مصر وربنا يوفقك ومش عايز منك حاجة غير انك تدعيلى وتسلم على كل الحبايب.
أخوك أحمد صبحى-أبو باسل
وماله نعملها كوبى وبيست
وأقولك حاجه كمان
حاول تعمل
event
على facebook
بكل التفاصيل وأبعته
للناس وهينتشر إنتشار كويس
إن شاء الله
محمد اسامه
بصفتي طالب
أخضع في هذه الفترة من العام لعمليات النفخ المنهجي
و الفعص العلمي
و التخلف الابستمولوجي
فتقريبا يعني كل طلاب مصر عندهم امتحانات في هاتيكم الوقت العظيم
ليه مكانتش في أجازة نص السنة كانت تبقي بيس جدا يعني
عادة... خيرها في غيرها
و كما قال الشاعر
أيوالله
أيوالله
أمرك يا أستاذ عمرو
حفلة تانية بعدها على طول
بس انت شد حيلك عالآآآآآخر فى النفخ...أه قصدى المذاكرة
ايه ياعم
صحيح شكة دبوووس لكن بتحرق شوية بس الشهادة لله ايدك خفيفة دكتور يعني مش حرامي
لا تقلق هبعتها ميل لمن اعرف ومن لا اعرف توكلنا على الله
جامدة قوي مش قادر امسك نفسي من الضحك
سيكا
لا لا لا لأ
إمسك نفسك شوية يا عمو ماتفضحناش
احنا فى مكان عام و حوالينا ناس
هدى نفسك ...هدى نفسك
صلى عالنبى ...صلى عالنبى امااال
خلاص يا جدع منك له خلاص ....كل حى يروح لحاله
احنا هديناه خلاص خلاص
إلا حلوة أوى "لمن أعرف ولمن لا أعرف" دى
محسسانى ب ب ب..مش عارف
هى محسسانى بحاجة وخلاص هى إيه
لا أعرف
حاضر يافندم
ننشر والامر لله :)
ربنا يوفقكم للخير دايما
إلهى يسترك يا بنتى
علم
وتم التنفيذ
حطينا صورة الاعلان في المدونة يافندم
وعملنا كوبي وبيست للينك اعلان الحفلة لكل قايمة الماسنجر
بس غير الثواب يعني (ربنا يرزق الجميع الاجر)
احنا عايزين حقنا ناشف
يعني مثلا مثلا بما اننا مش هنعرف نحضر حفلة الساقية
احم احم
نستني امتي حفلة مشابهة في اسكندرية؟؟
:D:D
ان شاء الله تكون حفلة الساقية حفلة جامدة جداااا
ربنا يوفقكم ويرزقكم الاجر
أولا آدى أجرك اهه
جزااااااااااااااكم الله خيراااا
ها....تاخدى تانى؟؟
ثانيا عشان انتو مش هتقدروا تيجوا الحفلة دى أنا عامل حفلة تانية فى نفس المكان فى أوائل الشهر الجاى وأول ما احدد الموعد هانزل عالمدونة والموقع www.elwaad.com www.mostafamahmud.com
أما موضوع اسكندرية ده بقى محتاج انتو اللى تنظموا الحفلة وانا آجى أغنى فيها
وتانى...أهه
جزاكم الله خيرا
السلام عليكم
استاذنا الكبير
صاحب النيولوك العصري الخطير
اللي زعل ناس كتير
ما علينا خلي التعليق يعدي علي خير
طبعا مش هتفتكرني ...أنا واحد جه غلبان جه قابلك من حوالي 6 شهور كده وعرضت عليك ساعتها ان اعمل لحضرتك موقع ومش هاخد ولا مليم بس حضرتك قلتلي ان في واحد فعلا بيعملك موقع
بجد عرضي لسه مستمر وده ايميلي ياريت تراسلني عليه
ahmedsps@hotmail.com
وبخصوص التدوينة نشرناها ياريس والحمد لله .. وطبعا مستنيين الأجر والثواب من الله
ولا دايم غير وجه
وحدوووووووووووووووووووووووه
انت معندكش ضمير ومتستر ورا الاسلام...
لو عندك ضمير صحيح ياريت تنسب الحق لصاحبه مش تشترك في جريمة سرقة افكار الناس وتنسبها لحد تاني لمجرد انه صاحبك.... انا بستعجب بجد.... ازاي تنسب توزيع اغنية صناع الحياه... الاغنيه رقم 4 في الالبوم بتاعك واللي هي توزيع بسام نور الدين الي آدم حسين....ازاي تغفل الحق الأدبي للشخص اللي وزعلك الاغنيه وتكتبه مجرد مغني في الكورال.... الاسلام علمك كده يا استاذ متدين.... مع الاسف انت فاقد مصداقيتك بالنسبالي من ساعه ما عملت الجريمه دي... وما خفي كان اعظم.....انا مش خايف من الكلام اللي كاتبه ومستعد لاثبات الحق وارجاعه الي مستحقيه...
وآدي الايميل بتاعي
info@noureddien.com
اعتقد انك زعلت من اللي كتبته لكن اعتقد ان الحق ما يزعلش... وان الاسلام بيقولك يا مغني وواهب نفسك لخدمة الاسلام ان تعطوا الحقوق الي اصحابها.....مش تنسبوها لحد تاني... اين ضميرك الاسلامي... بجد انا مش عارف ايه الزمن ده اللي بقت فيه السرقه عيني عينك... وايضا اصبحت حق من الحقوق المكتسبه...فاكر الاغنيه رقم اربعه اللي اعتمدت علي الكورال فقط...
انا ممكن افكرك بيها....وممكن احكيلك تفاصيل النصب بإسم الاسلام لو تحب....
وده ايميلي
info@noureddien.com
انا بشكرك جدا
انت تمثل تيار محترم من الفن في أشد الحاجة له الأن
وكانت لك شرف المباردة
جزاك الله خيرا
وفتحت الباب واتى كتيرين بعدك ولكن ستظل المبادر
الأخ بسام نور الدين .. معلش بس باحاول افتكرك كويس .. مش حضرتك كنت مطول شعرك كده ورابطه من ورا .. لو كنت انت يبقى أنا فاكرك كويس .. انت طبعاً فنان وأنا تعرفت عليك يوم ما كنا بنسجل الأغنية دي في استوديو أحمد رمضان انت ومجموعة شباب وآدم حسين .. كمان ساعتها قلت لي انك بتعمل شغل أوبرالي روحاني فيها معاني مسيحية ونفسك تعمل حاجه إسلامي بسيطة .. صح ؟؟!!
بالمناسبة أنا كنت موجود في التسجيل وكان آدم اللي بيوزع وهو اللى كان كاتب النوت وانت وزملاءك كنتوا بتخشوا تعملوا الهامينج وهو اللى كان بياخد التيك .. وكمان الفلوس :) يعني مصطفى محاسب آدم على اللحن والتوزيع .. ولا حضرتك ليك فلوس .. بجد يبقى مصطفى ده حرامي .. لو أكل فلوسك في التوزيع وانا مش حاعامله تاني
بسام .. لو لسه عايز حاجه إسلامي بسيطة وروحانية بجد أنا مستعد أعمل لك حاجه كويسة ..
آه صحيح .. افتكرت الكلام اللى انا قلته ولا لسه ؟؟!
صلاح جلال الشاعر اللى كاتب الأغنية ..
أستاذ بسام نور الدين السلام عليكم ورحمة الله وبركاته
أولا انت ضيفى هنا وزى ماولاد البلد ب
يقولوا إكرام الضيف دفنـ...أقصد إكرام الضيف واجب
قبل أى كلام تشرب ايه بقه؟
لا والله لازم تشرب حاجة.. ينسون؟ ..عشان صوتك..طب كاباتشينو؟..طاااب ساقع؟..نجيب ساقع روح هاتلنا يابنى اتنين حاجة ساقعة منهم واحد دايت لية
هه شربت الساقع؟
نخش فى الموضوع بقه
أنا طبعا مش هارد عليك على الميل لأنك اتهمتنى على الملأ وأنا هارد عليك فى نفس المكان
أولا ليه الصوت العالى والكلام الجارح؟ دانا ماشفتكش فى حياتى إلا ساعة زمن واحنا بنسجل الأغنية
الأغنية اللى بتتكلم عليها دى تلحين وتوزيع آدم حسين وانا محاسبه عليها على هذا الأساس ولا أعلم عن اللى بتقوله أى شئ
وإلا انت فين صحيح من يومها
ماطلبتش فلوسها ليه؟
دانا ماعرفكش ولا عمرى اتكلمت معاك فى التليفون حتى يبقى وزعتها ازاى؟ وانا طلبت منك توزعها ازاى وانا ما عرفكش أصلا؟
وانا يوم ما ابقى ضلالى هاكتب اسم واحد صاحبى ولا إسمى أنا؟
اتهامك ده موجه لآدم مش ليه واظن آدم عنده تليفون وتقدر تكلمه وانت أصلا صاحبه يعنى ماينفعش توجهلى أنا اتهام زى ده
عامة
الله يسامحك يا عم
طب اقعد بقة اشرب حاجة تانى
يا راجل قايم ليه ماتخليك شوية
طيب خلاص براحتك تلاقيك وراك مواعيد ولا حاجة
طيب ياللا سلام
بقوللك....
لما تكلم آدم سلملى عليه أوى
والله انت ما عندكش دم يا مصطفى
يعني انا صاحبك داخلين في يجي 12 سنة وعمرك ما كتبت اني وزعت لك اغنية كده ولا كده . . ومين أدم حسين ده . . طب مين الأخ نورالدين الي عامل موقع؟ طب انت ليه عزمت عليه بحاجة ساقعة وينسون مع اني دخلت عندك كتير وعمرك ما عومت علي بحاجة ولا حتى بطبق فتة شاورما
اخص على دي صحوبية
مصطفى محمود باشا
معاك يا فنان في الحفلة وتحياتي ليك
ايه ده مش فاكرني
مصطفى فتحي
من كلمتنا
يا نجم النجوم
هنزلك خبر في العدد الجديد من المجلة ان شاء الله
والله يا مصطفى بدور على نمرتك بقالى كتير ضاعت منى ومش لاقيها
مبسوط جدا بوجودك معايا يا حبيبى
طب نجيب ساقع بقه
لابجد
الحفلة موجود على فى الفن ضمن قائمة الحفلات
http://filfan.filbalad.com/News.asp?newsid=7470
اه صحيح يا مصطفى انت ليه مش عملت اعلان على موقع فى الجول و لا فى الفن
انا حتى شفت خبر ليك من سنة عليه
متهيألى أنت تعرف صحفى هناك
كا ممكن ينزلك خبر عن حفلتك
زخم والله زخم
عارف حسيت ب ايه لما دخلت على المدونة المرة دي
مش هتصدق لما لاقيت ناس رايحة وجاية واشي ضيوف وسخن وساقع
احساس جميل اقل مايوصف به انه زخم
زخم
يالا يا.............. زخم
ماله كوبى وبيست وكل حاجة احنا برضه ناس ذات (قلب كبير)ونشجع الكلمة الهادفة
ياسمين القاضى
جريدة العاصمة
السلام عليكم
منور عالم التدوين يافنان
وأحب اقول لك ان شاء الله بلم كل المدونين
وجايين الحفله ان شاء الله
وعقبال 100 سنه لفرقه الوعد
على فكرة مش بقول عليك غير الفنان
لو تشرفنى تعرف وجه نظرى فيكم وفى الفن
وعلى فكرة انا كنت منزل بوست من زمان عن اغنيه كنا بنحلم نبقى كبار
يلا سلام نتقابل فى ساقيه الصاوى .. حيث الفن الراقى
صحيح نسيت اقول لك انا شغال فى دار نشر وعلى طول باجى مكتبه الوعد عندكم خلينا نبقى نشوفك
سلام الله عليك
طبعا من عنوان مدونتى اكيد حضرتك هتعرف اد ايه انا بحب الاغانى بتاعتك لانها بتحمل معانى كتير كنا مفتقدينها
انا فرحت جدا لما عرفت ان حضرتك عامل مدونة
وعموما رحلة سعيدة
اتمنى زيارة المدونة
إزيك يا كابتن مصطفى.. إنت غالبا ما تعرفنيش بس ما يضرش لو نتعرف..
أنا على فكرة من أشد العجبين.. و متابعك من زمااااان.. من أيام يا طريق..
, على فكرة.. إحنا إتقابلنا قبل كدة بس مش عرف تفتكر و لا لأ، لما كنت مع خلد بركات..
المهم، أهلا بيك في التدوين و مستنيين حاجات كتير...
إبقى زورني عالبوج:
www.cradle-grave.blogspot.com
Post a Comment