Monday, September 29, 2008

تقبل الله من ومنكم صالح الأعمال


السلام عليكم ورحمة الله وبركاته
تقبل الله منا ومنكم الصيام والقيام وصالح الأعمال
ده كان اولا
أما ثانيا فعندى شوية أخبار حلوة

انتهيت من تسجيل أغنية جديدة اسمها "لا يا قلبى" وان شاء الله هتسمعوها يوميا على إذاعة نجوم إف إم من أول يوم العيد وعلى النت كمان من نفس التاريخ
الأغنية كلمات: الشاعر صلاح جلال


ألحان: محمد الصاوى توزيع: طارق حسيب
تسجيل وميكساج: استوديو "فور" م سامح المازنى


جيتار(سبانيش وإليكتريك): مصطفى أصلان


طبلة: احمد عيادى

مستمر فى تجهيز وتسجيل باقى أغانى الألبوم


منتظركوا فى حفلة 21 اكتوبر فى ساقية الصاوى قاعة الحكمة الساعة 6.30 مساءا
والموعد المرة دى بدرى شوية عشان كان فيه ناس كتير بتشتكى ان مواعيد الحفلات بتكون متاخرة فخليناها بدرى شوية



نزلنا فيديوهات على المدونة وعلى الفيس بوك وعلى اليوتيوب ادخلوا اتفرجوا عليها
http://www.youtube.com/user/elwaadmostafa










كل سنة وانتوا طيبين






مصطفى محمود


11 comments:

Anonymous said...

منا ومنكم

Anonymous said...

ايه يا عم مصطفى محمود يا جامد الحلاوة دى
كل سنة وانت طيب ياعم

Anonymous said...

تقبل الله منا ومنكم يا حبيبي

أنت مش متخيل أنا فرحان ازاي وانا بقرا إنك بدأت في إنتاج الألبوم

كان نفسي أكون معاك في الأيام الحلوة دي
استنيناها من زمان

المهم

يا باشا ألف مبروك وعقبال تنفيد باقي الخطة

سلام عليكم

Anonymous said...

اليوم جديد؟؟؟

اهو ده الكلام،، ياللا بأه عايزين نشتري ونصرف العيدية :)

مبروك ومنتظرة الأبوم جدا عشان مواهبي الفنية المتواضعة اللي مفيش منها تظهر في النقد الفني والبس النضارة واسند ضهري ع الكرسي واحط رجل على رجل واقووووول أمال أمال

انا عارفة انها متأخرة لكن انا عايزة اقول لحضرتك شكرا أوي على فقرة اعياد الميلاد اللي كانت في الحفلة اللي فاتت كان دمها زي السكر بجد
شكرا اوي جدا خالص

عايزين فن عايزين الناس تتفن
عايزين فن عايزين الناس تتفن

مها ميهوووو

كراكيب said...

حسبي الله ونعم الوكيل
اصل انا كتبتلك كوممنت طويل عريض وبعدين النت فصل وضاع كل اللي قولته
مااااااعلينا نبدأ من الاول تاااني

رقم 1 .. كويس بقى جدا انك انت اللي جيبت سيرة الإذاعة
تسمع حضرتك طبعا طبعا عن اذاعه صوتكم مش كدة؟؟
ممكن اعرف اغاني حضرتك مش بتتذاع فيها ليه.. ممكن اعرف مع كمية الاناشيد الهايلة اللي بتتذاع دي صوتك مابسمعهوش ليه
دي ليها جمهور ماشااااء الله وهتتسمع من ناس في دول ياما ياما
ياريت دي خطوة تتم في اقرب وقت

رقم2 .. ممكن حضرتك اعرف انت مش ليك ليه غير شوية اغاني صغننين بس على النت ممكن نعملهم داون لود
محدش دلوقتي بيسمع شرايط الكل شغال داون لود واللي بيطلب مني الاغاني مش بعرف اجيبهاله لان انت شوف عامل كام شريط ماشاء الله وافراح واطفال وحركات ومفيش على النت غير كام اغنية صغيرين
لا كدة ماينفعش خالص على فكرة
الناس بتعمل سيرش ومش بتلاقيلك حاجة يا عمو.. ده كلام برده

النقطة رقم 3 .. يالهوووي على الرغي انا معرفش انت مستحملني ازاي
بس معلش يعني ممكن اعرف بقى خطوة الكليب ما اتعملش ليه لغاية دلوقتي
هه .. قولي .. لا قولي
والدايت بتاعك راح وهتقولي استني بقى لما اعمل دايت تاني اكون انا جالي انهيار عصبي بقى
ياراجل ده انا عندي ييجي 77 فكرة كليبات ليك كل ما اسمع اغنية اقول ايوووة هي دي بقى ويعملها كدة بقى ويجيب مش عارفة ايه ويبقى كليب هااايل
حححححححح... :S

رغيت كتير انا صح؟؟ طب كفاية كدة والباقي مرة تانية بقى

صحيح.. كنت هنسى

ازيك يا عمو عامل ايه.. كل سنة وانت طيب:)

أنا حر said...

ينفع كده يعني ...لأول مرة في تاريخ حياتي افتح الإف ام مخصوص علشان اسمع الأغنية الجديدة واستني ... واستني ... واستني

وطبعا سمعت بلاوي في النص اني اسمع الأغنية بتاعتك أبدا

طيب استني علي النت ان هيا تنزل ابدا

زهقت بقا بجد
حرام
حرام حرام

انا اطالب بنزلو الأغنية فورا علي المدونة والا هاعمل عملية انتحارية وهانسف الماوس بتاعي في الصفحة بتاعتك وعلي وعلي اعدائي

بس خلاص

محمد أسامة رسلان said...

بالتوفيق يا أستاذ مصطفى، وكل سنة وانت طيب

وفي إنتظار الألبوم

Anonymous said...

علي فكرة انا زعلانة منك جدا
كل مرة تقول فيه فيديو كليب
فيه اغنية
فيه الالبوم مفيش حاجة خالص

أطالب كل الجهات الرسمية بالتعاون وتحميل الاغنية مرعاة بمشاعر المستمعين و المشاهدين

mohammed alsha3r said...

يافنان
جايييييييييين اكيييييييد

ومعانا جروب من حبايبنا ان شاء الله

Anonymous said...

ألف مبروك الأغنية الجديدة والألبوم الجديد يا أستاذ مصطفى
جميلة أوي حكاية أف إم دي
أيوة كدة يا راجل عاوزين ندخل الأماكن دي
ربنا معااااااااااااك
عمرو جمال

Anonymous said...

فين الغنيوة؟؟؟