السلام عليكم ورحمة الله وبركاته
بعد كل عام وانتم بكل خير ويارب نكون كلنا من عتقاء ربنا من النار فى رمضان
أما بعد....
أنا بسجل ألبوم جديد وعايز أفكاركوا وآراءكوا واقتراحاتكوا
ولو حد عنده فنان عايزنى أتعامل معاه فى الألبوم يبعت يقوللى هنا فى المدونة أو على الميل
منتظركوا
مصطفى
13 comments:
ما شاء الله
ربنا يباركلك ويزيدك ان شاء الله
وتسمحلى اقترح افكار للأغانى
نفسى اسمع اغنية عن حب ربنا لينا وحبنا ليه وقدايه ربنا بيفرح بتوبة عبده وعن شوقنا للجنة
مواضيع كتير بس ياريت باسلوب مبسط
ولهجه عامية والحان بسيطة هادية
وكمان نفسى اسمع حاجات تمسنا احنا كمصريين زى الاحترام مثلا ازاى اكون مختلفة مع حد فى الفكر او السلوك وبرضه باحترمه
وكمان الحاجات اللى بتزود انتاج الفرد الاتقان الامانة كل المواضيع دى موجود منها للاطفال بس مش موجود لينا احنا الكبار
وكمان اغنية عن حب الوطن لأن احنا مقصرين جدا فى الجانب ده
وان شاء الله كمان خمس سنين اكيد ده شىء هيبقى محفور فى العقول من تكراره
وطلب اخير بقى
ياريت يحصل تعاون واسع بين كل الفنانين اصحاب الفكر الهادف وتعملوا اوبريت
بس يا ريت وانا اسفة انى طولت بس بلاش نبكى على اللبن المسكوب ونغنى للنهضة اللى جاية ان شاء الله
وجزاكم الله خيرا
شاكر ليك جدا وكل اللى قلته انت انا كتبته وان شاء الله أحاول أنفذ منه اللى هقدر عليه
جزاكم الله خيرا
مصطفى
من طول الغياب جاب الغنايم
كنا عاوزين الالبوم من زمان
صحيح جيه متاخر جدا بس حلو انو جيه
عشان يطرقع الدنيا
التعاوان مع مين من شركات الانتاج ؟
الالبوم هيجهز فى قد ايه وهينزل امتي و هيكون فيه كام اغنيه ؟
هل هتعمل فيديو كليب للالبوم ؟\
ايه الالوان الغنائية اللى هتستخدمها فى الالبومك الجديدك راب ولا بوب ولا جاز ولا شرقي ؟
وايه هيكون مصير الكليب اللى اشتغليت فيه قبل كده ؟
صحيح انت غنيت للأم بس الام بتكافح كتير فى حياتها ياريت تغني اغنية تانية بتكلم عن كفاح وصبر الام اللى بتكافح بيه عشان ابنائها
مش يكفي اغنية اتمني يكون ليها اغنيه قوية ومؤثر
واغنيه عن احترام الابوين
نهضة والحرية والكرامة اكيد محتاجين
نسمع عنهم كتير جدا وحاجات قوية
وتغني للشباب اللى بسيبوا مصر ويسافروا او يهربوا من الواقع عشان يحققوا مستقبلهم برا وبيدمروا مستقبلهم فى النهاية ومستقبل اسرهم معاهم
عندي حاجات كتيرة عاوز اقولها بس الوقت مش هيسمح دلوقتي
هرجع تاني وارود
مبروك علي الالبوم
عندي اقتراح بسيط ياريت يكون فىف تعاون مع ناس جديدة كشعراء و ملحنين
أوك يا عم حاتم
هرجع ارد عليك تانى
متحمس اني اشوف ابداعتك فى الالبوم الجاي
ومتوقع ليه النجاح بس حاول تجدد من اسلوبك فى لاغاني وتقدم الالوان جديدة عشان ترضي الاذواق الكتيرة المختلفة
انت اديت الراب بشكل فظيع وجامد جدا
وغنيت معقولة بشكل اروع
حاول تنوع بالالوان الجديدة دي
وياريت يكون hip pop
عددالاغاني ياريت يكون كتير يعني 12 علي الاقل فى الالبوم
طبعا نفسي اسمع دويتوا ليك مع حد من النجوم الكبار سواء بالانشاد او بالفن الملتزم
طبعا فى حاجات كتيرة بس هتبقا مبنية علي اجابتك علي اسئلتي منتظرك
واتمنالك التوفيق
الاستاذ الفاضل مصطفى
بارك الله في حضرتك
انا اول مرة اعرف ان حضرتك عندك مدونة وتكتب فيها
ماشاء الله
وبالتوفيق دائما ان شاء الله
ويارب البومك الجديد يكون زي الالبومات اللي فاتت واحسن كمان ان شاء الله
على فكرة انا منشد من الاسكندرية ولكني لا اعمل في اي فرقة حيث اني تركت الفرقة التي كنت اعمل بها لكي ادرس الموسيقى وان شاء الله ابدأ بعد رمضان
بارك الله فيك اخي ونفع الله بك
وعلى تواصل ان شاء الله
لولولولولولوللللي
يا ألف بركة
يا ألف نهار مبروك
ده رمضان ده كويس اوي وبيعمل حاجات حلوة اوي في الناس
ماجيتش ليه يا رمضان من زمان علشان عمو مصطفى يتكرم ويتعطف علينا ويعمل لأمثالنا شريط نسمعه
والله لسة بدري والله
والله فرحتلك كدة وقلبي طاير طاير من الفرحة
اما بقى بالنسبة للأفكار والحبشتكانات
فخليه شريط كدة كوليكشن اغاني
رومانس على وطني على ديني على اغنية كدة شبه اغاني وجيه عزيز
واغنية دوشة تجيبلنا صداع واغنية نسمعها في روقان قبل ما ننام
عايزة شريط يا عمو يسسسكرررر الدنيا
وانت قدها وقدود يا استاذ
مستنية كل جديدك بفارغ الصبر
اختك الصغنونة
miro el niro kwaniro
السلام عليكم
إزيك يا مصطفى ؟
أنت الحقيقة بتبهرنا بأغانيك
صناع الحياة .. دي كانت من الحاجات الرائعة
مد إيديك ..
برضه كانت برضه رائعة
ولو إني مش عارف مين اللي بيكتب الأغاني بس حاسس ان الاتنين دول شخص واحد اللي كاتبهم
المهم أنا باحبك أوي في الحاجات الكلاسيك
مش الحاجات العالي والواطي !!
أزواق بقه
وعلى فكرة أنا منشد بس مش لاقي اللي يزبطني !!
وباكتب شعر
فلو حابب تكتب حاجة معينة ممكن أنكش في دماغي واكتبلك حاجة كويسة
لينا كلام بعد ردك
صحيح نسيت أقولك كل سنة وانته طيب
انت مش معبرني ليه
انا مستني ردك عليا
انا عن نفسي احب اسمع اغنية توضح للناس معنى الدين اللى فاقدينه معنى انك تكون خليفة لله فى الارض تعمر و لو حضرتك دخلت على مدونتى المتواضعة هتقرأ تدوينة عن الموضوع دة وشكرا
ياسمين القاضي
فنان وطول عمرك هتفضل فنان يامصطفي
أنا عاوز كمان أغنية بتتكلم عن الحرية ..
افكار جديدة؟
هممم
:)
طيب متتصل يبني
عندي شوية افكار واشعار
Post a Comment